القاهرة - محمد صلاح

كشفت الفنانة منى زكي عن سبب اتخاذها قرار الابتعاد عن الوسط الفني خلال السنوات الماضية، وقالت: «قررت في فترة أتوقف عن الشغل لما بنتي كانت صغيرة ووالدي توفي، مكنتش عايزة أسيب بنتي ولا عايزة أحمد يروح الشغل، ولكن بعد شوية الموضوع اتحسن».

وعن تعرض أعمالها الفنية لحملات وانتقادات، علقت منى في تصريحات لبرنامج «عندك وقت مع عبلة»: «أنا أحاول ألا أقرأ التعليقات، أكيد بتضايق في بعض الأوقات، إحنا بني آدم، لكن الانتقادات هي فراغ وغضب رهيب عند الشخص ومش عارف يفرغ الطاقة دي، هو مستخبي ورا الشاشة، حتى العمل السيئ ممكن تتعاطفي معاه من كتر ما الناس تنتقد فيه». وتابعت: «السوشيال ميديا لا تمثل الناس في الشارع، واللي يفكر يعمل لجنة علشان يهاجم فهذا شخص داخله كره».

وعن إمكانية خضوعها لعملية تجميل، أشارت إلى انها تعمل بالفترة الحالية على تقبل المرحلة العمرية والتغيرات التي طرأت عليها، كاشفة عن روتينها في العناية بالبشرة، كما تحدثت عن ابنتها «لي لي»، قائلة: «الواقع أنها أم لأخواتها، وواخدة مني تقبل الآخر بسهولة، وواخدة من أحمد خفة الدم، وهي اختارت كل حاجة في حياتها»، واصفة نفسها بأنها تتحول إلى «أم تقليدية جدا» خلال الإجازات الصيفية، معلقة: «بحب وقت البحر بلعب طاولة وبعيش الجو العائلي بعيد عن الشغل، وبستمتع بالبساطة دي جدا»، مؤكدة أن طريقتها في التربية تعتمد على الصرامة المعتدلة والمرونة، مضيفة: «أنا مش أم مدللة، بس عايزة ولادي يكون عندهم شخصية مستقلة ومسؤولة».